Bhajan : De De Tu Mujko Aisa Koi Mantar

Oh mere Shambu, Oh mere Shankar
Main rehna chahun sada tera ban kar
Tere siva muje kuch bhi dikhe na
De de tu mujko aisa koi mantar.

Tu pathar mein bhi jaan daalta hai
Tu pattun k ooper bhoonde paalta hai
Teri kripa jab ho jaye kisi pe
Tu uss ki aakaal mrityu bhi taalta hai.

Teri mehima itni aprampaar hai
Tere darshan ko tarasta saara sansaar hai
Mujpe bhi aise daya kar dayalu
Ban jayen heere mere  mann k kankar.
Oh mere Shambu, oh mere Shankar
Main rehna chahun.............................

Tu dayavaan itna k bhola kehlaye
Sachi puja ho toh pal mein pigal jaye
Tera mann moom  jaisa hai shankar
Magar jab tu ho jaye bhayankar.

Sabhi dhustun ka karta naash tu hai
Mere jaisun ki ik aas tu hai
Teri kripya dristi hoti hai jis pe
Uss pe chale na koi toona tantar.
Oh mere Shambu, oh mere Shankar
Main rehna chahun..............................

Aaj Shiv Ratri hai tujko poojna hai
Asal mein muje sach ko doondana hai
Tuj mein chupi hai har ik sachai
Joh tera bana hai usse hi tune deekhai.

Main bhi phir se issi koshish mein laga hoon
Sauleta nahi bhagat tera sagga hoon
Chahat ko bhi koi vardaan de de Bhole
Sachai pe chalne se usse na lage dar
Oh mere Shambu, oh mere Shankar
Main rehna chahun.................................

Badlen Ge Raje Par Praja Toh Wohi Hai

Badlen ge raje praja toh wohi hai

Gunha kuch bhi karo saza toh wohi hai

Kaise phalen ge ped podhe mere sehar k

Mausam hain badle par hawa to wohi hai.

Kuch apne haalun ne maara mujko

Kuch kismet meri  khoti nikli

Bahut toot k ki mehnat maine

Par mehnat se  na meri roti nikli

Udhaar le le k  jindagi chal rahi hai

Khaad se bhi na dil ki saakh fal rahi hai

Gareebe kal bhi dusman thee meri

Aaj bhi haarne ki wajha toh wohi hai.
Kaise phalen ge ped podhe mere sehar k
Mausam hain badle ..........................

Pyar kar k bhi na pyar paya hai maine

Pyar mein sab kuch hi gavaya hai maine

Dard-o-gham itne k jiya bhi na jaye

Zehar haat mein hai piya bhi na jaye

Dil pe zakhm maine pehle bhi hain  khaye

Ab yeh dil kis ko ja k bataye

Chot tune jahan lagai muje hai

Aey dost mere woh jagha toh wohi hai
Kaise phalen ge ped podhe mere sehar k
Mausam hain badle ..........................

Apni jindagi kuch aise basar ho rahi hai

K sache dil ki duva bhi beasar ho rahi hai

Maine apne haalaat chupaye they sabhi se

Par phir bhi sab ko khabar ho rahi hai

Maine apne chole badle hai baar baar

Phir bhi na ho saka hai khuda ka deedaar

Duva asar kya kare gi Chahat

Main badla bhi javun par khuda toh wohi hai
Kaise phalen ge ped podhe mere sehar k
Mausam hain badle ..........................