Pyar Karna Aur Neebana

Pyar karna kisi ko bhi aa sakta hai

Pyar koi bhi kisi se kar sakta hai

Par pyar neebana sab k bas mein nahi

Neebate neebate koi bhi mar sakta hai

Maine pyar kiya hi nahi neebaya bhi hai

Zakhm seh k dard bulaya bhi hai

Itna hi nahi k tuje mauf kiya

Par mauf kar k toot k chaha bhi hai

Tujko izzat aur naam sabkuch dena hai

Sirf vaada nahi hai sachmuch hona hai

Aaj k baad har khusi pe tera haq hai

Aaj k baad tujko kabhi na rona hai

Tu mere liye koi khilona nahi

Jis se khela aur chod diya

Tu kisi fakir ki dee huve chadar jaise hai

Jisey apna liye aur oodh liya

Tu mere bandagi jeendagi hai meri

Tu hai toh har ek khusi hai meri

Pyar k badle bas pyar hi maanga hai

Ik bhar nahi bhar bhar maanga hai

Pyar phuloon pe chalne ka naam nahi

Pyar kaantun pe roj chalna hai

Sacha pyar karnewalun ko

Judia ki aag mein roj  jalna hai

Zakhm jis ne na dil pe khyae hoon

Pyar ki tadap ko kya samze ga

Ik jalak dekhne ko joh na tadpa ho

Dedaar ki talab ko kya samze ga

Humme zakhm bhi dil pe khyae hain

Dard se dil bhi apna tadpa hai

Tudke tudke huve hain iss dil k

Pyar tumpe yeh phir bhi karta hai

Pyar karne aur neebane k beech mein

Zameen aur asmaan jaisa fark hota hai

Pyar neebaya gaya ho to swarg jaisa hai

Nahi toh pyar phir bhaar banta hai narak hota hai

Kyon Nahi Mujko Pyar Dete Ho

Kyon nahi mujko pyar dete ho

Dard kyon bhar bhar dete ho

Zakhm seene mein joh dabbe hain mere

Unn ko phir kyon ubhaar dete ho

Main isse bachpana samzun tera

Ya kaam hai yeh naadani ka

Yaad kar kaise gumaan toota tha

Joh kabi tha tuje jawani ka

Ek pal mein bethate ho sar pe

Dusare pal uttar dete ho

Dil tera toh bahut hi bhola hai

Lab pe lakin aag ka shola hai

Mere dil mein aa k bas javo

Maina darwaza iss ka khola hai

Ankhun mein le k milan k sapne

Hotun se tum khar dete ho

Aaj tum pe jawaan marte hain

Tareef tere husan ki woh karte hain

Kal jawani saat chode gi tera

Yeh sooch k hum toh darte hain

Akele phir kaise jiyo ge tum

Nazrun se lakhun ko maar dete ho

Teri sobat mein rehna accha hai

Dosti kar ya dushmani kar le

Hamesha k liye chali ja door

Ya apni ankhun mein bhar le

Teri dosti ka kya kehna hai

Doobte ko bhi taar dete ho

Tu Muje Bhula Na Payega Kyon Ki, Main Tera Pyar Pehla Hoon

Jahan hum pehli baar mile they, wohin aaj main aakela hoon

Tu muje bhula na payega kyon ki, main tera pyar pehla hoon

Kahin bhi ja chali ja mujse na ja paye gi tu door

Kabhi uttar na payega teri ankhun se mere saroor

Main khusboo ban k tere badan k chaarun aur fehla hoon

Tu muje bhula na payega........................................

Dagha dene ki soochun bhi toh mujko maut aa jaye

Kisi ki taraf kadam agar bharavun toh rasta hi kho jaye

Tere saat lipti rahun gi  main tu pedh main bhela hoon

Tu muje bhula na payega.....................................

Mujpe bharosa kiya hai toh sada khayam isse rakhna

Jab bhi saakh pade tujko toh bebaak ho k parakhna

Tuje pata chal jaye ga k main khara hoon nahi meala hoon

Tu muje bhula na payega....................................

Jeene Ki Chah

Jeene ki chah sabko hai mujhe bhi jeena hai
Dard seh seh k chahe zakhmi huva seena hai
Phir bhi kwaish rakhti hoon tuje paane ki
Tere sang baaki ki jindagi beetane ki

Khuda se bhi tere sang jeene ki dua mangu
Tu hi bata tere siva main aur kya mangu
Tere saat janmu ka rista hai muje lagta hai
Dil mein na de sahi kadmu mein jagha maangu

Mera na koi sathi sangi bas ek tere dam par
Kayam hai meri umeed gayi na meri aas
Saari jindagi nadiya k saamne reh k bhi
Gayi na meri tapas mitti na mann ki pyas

Par jab dekti hu main hi wajah ban rahi hu tere udasi ki
Dhuki ho jaati hoon mar jati hai meri jeene ki chah
Sabhi log tuj par apna haq mante hai jaatate hain
Tu sab ka banta gaya par kyon mera na raha

Mera wajud hi muj ko gunah lagta hai
Kyon ghair ab mujko apna khuda lagta hai
Kyon muje teri baatein pe yakin nahi aata
Pass reh k bhi tu mujko juda lagta hai

Khuda ne mere naseeb hi kuch aisa likha hai
Pyar tera mera ho k bhi nahi mera
Tere pyar main koi kami ho nahi sakti
Par pyar k kabil hi nahi hai mera chera

Mere pyar mein bhi nahi  kami koi
Par mera naseeb hi rootha hai mujse
Itne kareeb aa k ek hote hote
Kyon tera haat chuuta hai mujse

Saat chutate hi chah mar gayi jeene ki
Shaid main zayada koshish kar gayi jeene ki
Apne liye nahi apnu k liye hi jinda rehna hai
Jeena mazboori hai umeed par gayi jeene ki

Aaj Ka Daur

Choti choti khusiyun ko andekha kar k

Hum bade bade khawabun k peeche bhagtey hain

Joh khawab needun mein pure hote hain

Unn k liye kyon hum raatun ko jaagtey hain

Joh bhi hum ko khuda ne diya hai

Ussi mein khus rehne seekha na humne

Uss pe yeh aur bhi hai kyamat 

Sach ko sach kehna seekha na humne

Jhooti saanu shookat aur jhooti izzat maan ko

Kyon humne aawal darza diya hai

Aisa karte karte sache zazbun ka 

Sache ristun ka katal kar diya hai

Ristun ki kadar kyon hum kar nahi paate
Zakhm kisi dost k marham se bhar nahi paate
Kyon kisi k dard se hamare ansu behte nahi
Ghair aur apnu k janjat se hum ubar nahi paate

Insaniyat paise k bojh talley kyon dabhi jaati hai
Imandaari baar baar yahan kyon challi jaati hai
Sachai jhoot k kadmu mein kyon paadi rehti hai
Achai kyon burai k darwaje pe khadi rehti hai

Sabkuch ulta pulata kyon ho raha hai aaj k daur mein
Kyon ghaant lag gayi hai pyar k daage k chhor mein
Pyar ki cheeko pukar kyon koi sunn nahi paata hai
Dharkan ki awaz kyon dab gayi hai sansun k shor mein

Betiyaan kyon ghar mein bhi rehti hai darr k
Bahuven kyon jee rahi hai roj mar mar k

Kyon kachi kali ko roondane k liye 

Kuch log nainu k gande baan daagtey hain

Aak ka daur kiasa daur hai, dekh k heyraan hoon main

Jitna samajana cha hoon isse, utna hota paresaan hoon main

Main akela kuch bhi nahi kar sakta  yeh bhi jaanta hoon

"Chahat" aap ki tarah iss daur ka mehmaan hoon main

GAZAL: Tuje Dekhne Ki Ankhun Se Pyas Na Gayi

Umeed toot gayi meri, par aas na gayi

Tuje dekhne ki ankhun se, pyas na gayi

Dekhiye wohi aa k muje, har roj rulati hai

Mere pass aa k kabhi bhi joh udas na gayi

Apni needun ko meri ankhun mein basne de

Tere milne se bhi sapnu ki talash na gayi

Teri har arzoo mera naam le k hasti hai

Mujse mil k kabhi bhi yeh nirash na gayi

Woh jindagi kya jaane dard dil ka zakhmu na jalna

Jisne zakhm na khaye joh dard k pass na gayi

Usse pa k bhi "Chahat" kuch adura sa lage

Kalish hai baaki aur dil ki karash na gayi

Aajkal Woh Log Nahi Hote, Jin K Vaste Khuda Hai Dil

Bewafa yeh jahan hai iss mein, doondata kyon wafa hai dil

Aajkal woh log nahi hote, jin k vaste khuda hai dil

Joh pyar pe mar mitey they, ab kyon nahi milte yahan

Phool sachi wafavun k, ab kyon nahi khilte yahan

Pyar ko pyar nahi milta hai, dil se kyon juda hai dil

Aajkal woh log nahi hote.......................................

Hum pyar ki talash mein, batke hain kahan se kahan

Zameen bhi pavun se nikal gayi, dhoondate dhoondate asmaan
Na ghar k rahe na gaat k, bebas hauva hai bujja hai dil

Aajkal woh log nahi hote...................................

Mera pyar bada ajeeb hai, duniya se hai bilkul alag

Moun se kuch kehta nahi, ankhun se keh jata hai sab

Faisala woh koi sunata nahi, muskilun mein phasa hai dil

Aajkal woh log nahi hote.....................................

Hume apne pyar ko jahan mein, karna hai itna mahaan

Chahe pass rahe ya door, ban k rahen ge do dil ek jaan

Door reh k pyar gatey ga nahi, kache daghe se judha hai dil

Aajkal woh log nahi hote........................................

Pyar Hi Teri Taqat Hai Kamzoor Na Khud Ko Hone De

Pyar hi teri taqat hai kamzoor, na khud ko hone de

Sacha apna pyar hai, hota hai toh yudh ko hone de

Ghairun k sitam seh liya tune, apnu k gum bhi sehne hain

Abhi aur dard milne hai tumko, abhi aur bhi ansu behne hain

Main saathi tera hoon sukh dukh ka, tera saat kabi na chodunga

Khud ko zakhm de sakta hoon, par tera dil kabhi na todhunga

Mujpe bharosa kar le teri har muskil aasaan hogi

Jaise tu aaj hai jaan meri hamesha meri jaan hogi

Darr na lad ja haq k liya hoti hai hadh ko hone de

Pyar hi teri taqat hai kamzoor................................

Maine dekha hai mere pyar ne, kitna tum ko badla hai

Saare jahan ko aajma liya tune, ab kadam uthana agla hai

Kuch honsle ko buland rakhna, kuch sabar se kaam tu lena

Jab muskil koi aan pade, toh prabhu ka naam tu lena

Maine bhi duvaien maangi hain, k mujko tera saat mile

Chup chup ab nahi milna ha,i tu ghar mein din raat mile

Chota na samaz tu apne ko, bada apne kad ko hone de

Pyar hi teri taqat hai kamzoor...................................

Pyar Se Badal Sakta Hai Har Insaan

Jindagi sheekhati hai sheektey jaeiye

Galtiyun ko magar kabi na doraieye

Imtiyaan lena hai agar tu apna lijiye

Apnu ko kabi bhi na aajmiye

Pyar se badal sakta hai har insaan

Koi badalta nahi kaddi saza se

Tu mera tha phir bhi gair ho gaya

Tera mera kehne ko bher ho gya

Tere jaane k baad jiya mar mar k

Aisse jaise koi kehar ho gya

Tumse main kya gila karun dost

Tune bewafai bhi kee hai wafa se

Muje bhi kaha k saza de do

Aur maufi b maang lee hai khuda se

Pyar se badal sakta hai...............

Jaisee b ho tum jaan se pyari ho

Kabhi meethi kabi theekhee kabi khari ho

Meri khusi mera gum bhi hai tujse

Mera chain b tumho meri bekarari ho

Mere siva tujko koi kaise samze ga

Tum asmaan se aayi ho chand sitari ho

Tuje kasam hai ab meri hi rehna

Dubara badalna na tu zamane k hawa se

Pyar se badal sakta hai................

Puranai baatein purane kisse purane riste

Bhool ja ab tu sabhi purane raste

Dhukhi ho k gayi thee bichar k mujse

Laut aa pass mere phir se haste haste

Bachpane se tuje chaha hai sabhi jaane

Phir se wohi chahat jaga yeh iltaza hai tujse

Tu bhi jaanti hai ab log bhi jaane ge

Mera dil kitne janmu se judha hai tujse

Main jinda hoon ab teri hi waza se

Pyar se badal sakta hai,,,,,,,,,,,,,,,,,,,

Kheede Makorun Ki Tarah

Hum kheede makorun ki tarah jiya mar gaye

Humse na poochiye, hum kaya kaam kar gaye

Himmat nahi ladne ki sachhe hone k baad bhi
Hum aam aadami tedre, taqat se darr gaye

Na manjil ka pata koi na koi humsafar
Beheke bahut bhatake kahan, hum dar badar gaye

Har cheez ka hai apna mukaam aur apni  khaseeyat
Sawaan laga toh cheenti k, aaye aur par gaye

Bhura huva ya huva bhala yeh baat aur hai

Par saza jab dee gayi, toh apne hi sar gaye

Joh naapte rahe gehrai woh jinda na reh sakke

Joh himmat kar k koode, woh darya se tar gaye

"Chahat" kyon unnko hi tune kaantun ka diya toffa

Pyar tujpe luta k joh, tera daaman bhi bhar gaye

Tere Dard Ki Main Dava Dhoondata Hoon

Apne dard (se main aasaana hi nahi) ka mujko pata hi nahi

Tere dard ki main dava dhoondata hoon

Mere dil k kiye tune tukhre bahut

Phir bhi main tumi mein wafa dhoondata hoon

Main pagal huva hoon sabhi keh rahen hain 

Jab mere dil mein Ram aur Nabbi reh rahen hain

Phir patharun mein kyon main khuda dhoondata hoon

Abhi pass mere hai wafa ka khazana

Abhi mujko hai apna sabhi kuch lutana

Issliye dusara bewafa dhoondata hoon.

Mujse achha aur bethar koi tujko mile ga

Tere dil ka gulshan jis k chune se khile ga

Baharun mein aisse hawa dhoondata hoon

Jindagi thee wohi joh kaati tere sang thee

Tere milne se pehle yeh badi berang thee

Jinda rehne ki dusari koi waza dhoondata hoon

Mere pyar ki kadar koi kar na sakka

Khali jindagi thee usse koi bhar na sakka

Dil main issiliye koi toota huva dhoondata hoon

Donu jahan mein koi bhi raha na hamara

Is sehar mein ab apna na hoga gujara

Aasiyaane k liye nahi ab jagha dhoondata hoon

Pyar rass na aaya khata thee kuch hamari

Sahid poori kar na saake hum apni jeemewari

"Chahat" apne zhuram ki kaddi saza dhoondata hoon

Koi Bhi Raat Tera Sapna Le K Aati Nahi

Koi bhi raat tera sapna le k aati nahi 

Koi bhi subha muje tera pata batati nahi

Maine har dopehar se maanga hai deedar tera

Sham bhi jaanti hai tadpaata hai kitna pyar tera

Sitare bhi muje dekh k udas hote hain
Nazare bhi meri udasi pe khoob rotey hain
Bahaar bhi murjaye dil ko khila payi na
Koyal ne bhi meethi kook koi sunai na
Meri tadap din se bhi dekhi jaati nahi

Sawaan ka mausam bhi gamgeen mujko karta hai
Phagun bhi aata hai par rang koi na bharta hai
Berang bedang bebas se jindagi kyon hai
Marri marri se ankhun mein roshni kyon hai
Chandani Chand ki koi baat bhi sunati nahi

Sapne mein na bhi tu aaye, toh koi baat nahi
Hakeekat mein meri ho k, ban naseeb mera
Agar tu mujko na milli, toh main jiyun ga kaise
Mera dil khud hi ban jaye ga, phir rakeeb mera
Par meri muskil yehi hai, tu dil se jaati nahi

Mere Liye Tu Koi Khawab Bhar Le Ankhun Mein

Teri ankhun se duniya dekhne ki kwahish hai

Mere liye tu koi khawab bhar le ankhun mein

Tujse koi bhi sawaal kabhi na main poochun

Pyar k phir bhi tu saare jawab bhar le ankhun mein

Duniya mujko tujse door liye jaati hai

Jindagi mujko aisay na jeeyi jaati hai

Saat rehna muskil kar diya hai duniya ne

Yaad teri muje har ek pal satati hai,

Jisey pee k main kabhi hosh mein na aavun

Sada rahun pass tere kabhi door na javun

Meri maan tu aisee sharaab bhar le ankhun mein

Mere liye tu koi khawab bhar le.......................

Tere bina jindagi aag ban k jalaye mujko
Jiyun kaise yeh bhi samaz na aaye mujko

Doori tan badan ki ab mithana chahata hoon

Kuch bhi kar ke tere pass aana chahata hoon

Tapas itni hai k muskil ho rahi hain jeene mein

Kuch aisa kar Jis se thandak pade mere seene mein

Thanda thanda pyar ka aab bhar le ankhun mein 

Mere liye tu koi khawab bhar le.......................

Muje Pyar Kar K, Berukhi K Siva Mila Na Kuch

Muje pyar kar k, berukhi k siva mila na kuch

Aag lagi badan mein, par dil k siva jala na kuch

Maine pyar kar k basa liye usko apni sansun mein

Par uss ka mere sanchey mein, kyon dhala na kuch

Yeh kaisa pyar hai jis mein, imandaari ki kadar nahi

Dil ko thoda gaya, aur zazbun ko rohnda gaya

Seede chalnewale ki, haar huvi rusva huva

Woh hi jeeta joh yahan, tedha chala oonda gaya

Mann kisi ne dekha nahi, chikni chupri pe sab gaye

Main aisa na ban sakha, isliye chood dost sab gaye

Chaploosi hi chale yahan, uss k siva chala na kuch

Muje pyar kar k...........................................

Pyar ko bhi pa na sakha, aur jindagi ko bhi haara main

Na apna hi main ban saka, na ho saka tumara main

Woh log joh meri baat ko pathar pe lakeer they mantey

Woh log ab badal gaye hain, mujko nahi pechantey

Haare huve juwari k saat kon chalta hai yahan

Doobe huve jahaaz pe kon chadta hai yahan

Joh kuch huva hai mukadar mera, kiya kissi se gila na kuch

Muje pyar kar k..............................................

Main Bhi Bebas Hoon, Tu Bhi Bebas Hai

Main bhi bebas hoon, tu bhi bebas hai

Dard se bhari apni nas nas hai

Pyar aur dard ka rista hai purana

Baat yeh nahi jhooti yeh bhi toh sach hai

Sasen bhi okharne wali ho gayi hain

Jholiyan bhi apni khali ho gayi hain

Chere ka rang bhi peela pad gaya hai

Aur ghere ghere ankhen b khali ho gayi hain

Zamana humse kis baat pe rhoota hai

Tere saat pe naaz tha woh hib toh toota hai

Jhuda kyon pyar huva humse mil k

Zakhm kis ko hum deekhayen ab dil k

Zehar jaisa lage jindagi ka ras hai

Main bhi bebas hoon, tu bhi.........................

Tere intazar mein raat din rehte hain

Duniya wale mujko pagal hi kehte hai

Log mujpe marte hain par main tujpe marta hoon

Muje bhi khabar nahi kyon itna pyar karta hoon

Janmu ka bandan hai yeh yugun ki kamai hai

Mere hone k liye hi tu duniya mein aayi hai

Kal joh bhi huva usse main bhula doonga

Sache mann se tujko apna bana doonga

Tuje seene se lagana yeh toh mera bas ha

Main bhi bebas hoon, tu bhi...............................

Gol Gappe

Gol Gappa Paani Puri, kya kya naam hai iska
Menga nahi dekho yaaro, sasta daam hai jiska
Mujko bhi yeh mast lagen, Beta Bibi bhi khaye
Ek Gol Gappe khaney se hi, Mood theek ho jaye

Dilli mein Gol Gappe bante hain Party ki ronak
Mumbai mein Paani Puri ki apni alag kahani hai
Saara India iss ka dewaana Chota ho ya bada
Bhuda bhi iss ko khaye toh charti usse jawani hai

Jab mera ghala kharab rehta hain khein dinu tak
Meri patni kehti mujse kha k aavo Gol Gappe
Khansi khatam ho jaye gi bina dava khaye
Phir ghar aa k marna pyar se mujko jaffe

Isliye sab ko kehta hoon k dath k Gol Gappe kahvo
Maine aise khein baar kiya khansi se apna bachavo
Gol Gappa ab ban gaya hai Party Stall ka raja
Gol Gappe k bina ab baje na shadhi ka baaja

Kitty Party mein bhi ab toh Gol Gappe ka chalan hai
Gol Gappe kha k hi ab, do dilun ka hota milan hai
Gol Gappe namkeen ho k bhi, mithash dil mein laate hain
Kabhi bhi kah lo, kitne bhi kha lo, log yehi samjate hain

Raat Ne Muje Sone Na Diya Raat Ko

Raat ne muje sone na diya raat ko

Bhata bhi paya na kisi se main is baat ko

Aisa lagta hai tum se kal hi mila they hum

Youn toh barsun ho gaye hain mulakaat ko

Tum ho k ghairun pe jawani ko lutaye jaati ho

Dusarun ki sobhat mein khud ko hi gavaye jaati ho

Hum dil ka dard tum ko batana chahate hain

Tum ajeeb ho kyon muskaraye jaati ho

Kyon hamare dil ki awaaz tum tak jaati nahi

Dost apna humko kyon banati nahi

Hum toh kab se tarsh rahe hain tere saat ko

Bhata bhi paya na kisi se....................................

Tune toh apne husan ko nilaam kiya bin paisun k

Kya mila tujko saat de ke aisey vaisun k

Jis ne teri kadar na ki usse hi khud ko sonpa tune

Anjaane mein hi sahi mere pyar ko khanjar gopa tune

Apne har ang ko kisi aur k rang se rang k

Tune kaam kiya hai dost bade bedang k

Phir bhi thaam liya hai maine tere haat ko

Bhata bhi paya na kisi se........................................

Yaad rakh pyar mein imandaari hi kaam aati hai

Sache pyar mein toh kabhi kabhi jaan bhi jaati hai

Maine pyar kiya hai tujse bina sharat bina vaada kiye

Bas yeh jaan le yeh sab kiya hai sacha erada kiye

Meri achai ko meri kamzoori na naam na dena

Yeh roj tadpe tarse dil ko aisa kaam na dena

Badal dalo tum apne dil k bhure zazbaat ko

Bhata bhi paya na kisi se........................................

Jab Se Tumko Apna Banaya, Maine Khoob Jiya Hai

Jab se tumko apna banaya, maine khoob jiya hai

Mere sang tu bhi ban k, mera mehboob jiya hai

Tujko sache mann se apnaya hai, pyar kiya hai

Saari duniya ko dushman, teri khatir yaar kiya hai

Teri galti nahi thee behayai thee bewafai thee

Vaise toh duniya ki nazar mein tu parai thee

Phir bhi tumko mauf kiya tujse insaaf kiya hai

Tere liye apne dil se har khalis ko saaf kiya hai

Par dard dene wala kaam tumne baar baar kiya hai

Jab se tumko apna banaya...............................

Kon kehta hai mere pyar ki tu haqdaar nahi hai

Kon kehta hai tujko mujse sacha pyar nahi hai

Jitni bhi badli tu pyar mein mere liye sab accha hai

Rab ne meri baat maan le dekho rab kitna sacha hai

Uss ne tumko asli imtihaan k liye tayaar kiya hai

Jab se tumko apna banaya...............................

Pura kiya har vaada aur joh bhi kasam kahi hai

Jaan pe khel k bhi maine teri har sharat nebai hai

Khuda ne milaya hai wohi humko saat rakhe ga

Hum khus rahe isliye woh humpe haat rakhe ga

Muskil apna joh rasta tha uss ne hi humwaar kiya hai

Jab se tumko apna banaya...............................

Teri Meri Abhi Honi Mulakaat Aur Hai

Ghar aane se kisi ko hum rokte nahi

Par dil mein basaane ki koi baat aur hai

Tume dekh k chupp jaana apni ada hai

Teri meri abhi honi mulakaat aur hai

Subha subha aap ke chere ko dekh k

Khush ho gaya aur mera dil machal gaya

Dekh kar tere badan ko angrahiyaan aa gayi

Dheemi dheemi kisi aag mein tan jal gaya
Joh bhi ho raha hai usse hone deejiye

Abhi kuch nahi huva abhi raat aur hai

Anjaan hain aap se hum yeh jaante nahi

Pehle nazar mein joh ho, usse pyar kehte hain

Ab aa javo millo humse hum bekaraar hain

Woh na kar saaken ge jisse intazar kehte hain
Yeh pehli mulakaat hi rang layi hai

Abhi pyar ki  karni hume suruwaat aur hai

Jab pyar ho gaya hai toh ikraar se kya darna

Khul khul k hum karenge deedaar se kya darna

Aa ja mil k keh de zamane se pyar hai

Ab jeet hamari hogi ab haar se kya darna

Aag aur moom jaisa ban gaya hai apna rista

Tu mard hai aur meri toh zaat aur hai

Tere Vaste Tere Liye

Tere vaste tere liye

Betha hoon main sapne liye

Meri ankhun mein aa k bas

Ho jaye ga har sapna sach

Tere bin adhuri jindagi

Jee k bhi kya karun ga main

Tere saat agar na jee saka

Toh phir kis tarah marun ga main

Jeena mera mahaal hai

Dil ka bhi bhura haal hai

Kuch toh jatan tu bhi kar

Meri jindagi ka sawaal hai

Tere vaste tere liye

Maine kitne ansu hain piye

Dard se dil bezaar hai

Zakhmu mein pad gayi hai pas

Tuje dhoondate dhoondate main

Kahan se kahan nikal gaya

Tuje dhoond bhi paya nahi

Aur wqat mujko chhal gaya

Kisi bhi saaye ko dekh k

Lagta raha tu aa gayi

Maine toh sabhi poore kiye

Tu vaade sabhi bhula gayi

Tere vaste tere liye

Paar raste kitne muskil kiye

Pavun bhi gaye hain thak

Himmat ki ho gayi hai bas

Geet :Log Maane Ya Na Maane Muje Pyar Ho Gaya Hai

Dil ko haar k pyar kiya, dil ko jeet k kya pavunga

Teri ankhun ne vaar kiya, inn se door ab kya javunga

Ab tere bin jeena mera duswaar ho gaya hai

Log maane ya na maane muje pyar ho gaya hai

Tum ab meri jaan bani ho, tum bin jeena maut barabar

Tere dil k aage na jaye, mere pyar ki koori chadar

Is chadar ko rang k dekh, ik bhar mera ban k dekh

Kyon ulta pulta ho soochti, sapne toh kuch dang k dekh

Jab se tumse ankh ladi hai. har taraf khumar ho gaya hai.

Log maane ya na maane muje pyar ho gaya hai

Pyar muje aisay badle ga, iss ka muje anumaan na tha

Dil mein jitna ab uthta hai, aisa kabhi tufaan na tha

Iss tufaaan mein aa k dhoob, pyar karen ge hum tum khoob

Pyar bana hai jaan meri, baat tu bhi maan meri

Prem ka yeh kachha daaga, kamzoor dil ka taar ho gaya hai

Log maane ya na maane muje pyar ho gaya hai

Pyar ne mujko jeena sikhaya, badla mere jeene ka danag

Kaise batavun apne moun se, rang gayi hoon tere hi rang

Mujko apni bahun mein le le, palkun ki cahvun mein le le

Yeh pyar ka hi toh hai asar, dikhta hai tu jayen jaye nazar

Khud ko aaina mein dekha, toh tera hi dedaar ho gaya hai

Log maane ya na maane muje pyar ho gaya hai

Gazal : Pyar Ko Samzo Ge Toh Jeena Aaye ga

Pyar ko samzo ge toh jeena aaye ga

Nahi toh wqat saara, aise hi zaya jaye ga

Mujse zayada pyar koi na karega tujse

Wqat khud hi tumko yeh samzaye ga

Tu door rahe ya pass rahe teri marzi

Dill se door kabi bhi na ho payega

Mere dil phool hai tu hai meri bahaar

Tu nahi toh yeh bujje ga murjaye ga

Sach kehta hoon tumse yeh baat hai sachi

Tu na meri huva toh sab kuch mera jaye ga

Yeh banda jinda reh sakta nahi tere bin

"Chahat" juda huva tujse toh mar zaye ga

Meri Aadat hai Yehi

Meri aadat hai yehi

Galat hai ya hai sehi

Jis ko apna keh diya

Who cheez apni hi rahi

Apna ik baar banaya jisko

Phir use door nahi jaane dete

Ik baar door kar diya jisko

Phir usse pass na aane dete

Dil ki imandaari. humko bahut hai pyari

Dosti teri meri wqat se ho jaye gi gehri

Meri sooch hai yehi

Galat hai ya hai sehi

Jis ko dil mein bethaya

Wohi nazrun mein rahi

Pyar pyar hi hai, nahi sodha hai

Dil mein peda ho gaya, nahi khoda hai

Pyar mein sab hain barabar, Raja ho ya Bhikhari

Pyar apne aap mein hi, ik ooncha ooda hai

Tu bhi kuch seekh zara, pyar se kuch na bada

Haarna hoga usse, pyar se joh bhi lada

Meri sooch hai yehi

Galat hai ya hai sehi

Baat tere kaam aaye gi

Aaj maine joh kahi

Tujse muje pyar ho gaya, dil ne sataya mujko

Main kya hoon kaisa hoon, tune bataya mujko

Jab se tere hain huve, sab se anjaane hain hum

Baat yeh dusari hai, jaane pechane hain hum

Kisi aur ko dekha nahi, meri ankhun ne kabhi

Kisi se rista na jodha,  meri sansun ne kabhi

Meri sooch hai yehi

Galat hai ya hai sehi

Sasoon mein joh thee samai

Wohi khoon mein bahi

Dard Ka Rista

Tere hisse k gum, kismat ne de diye mujko

Apne hisse ki khusiyan, main tuje deta hoon

Meri nazar se tu dekh le saari duniya iss k liye

Tu joh kahe toh apni akhiyaan, main tuje deta hoon

Dukh na ho tujko is koshish mein

Dard seh k bhi main khus rehta hoon

Ab teri marzi tu sukh de ya dukh de mujko

Joh b deti hai usse pyar se main sehta hoon

Par insaan hoon kabhi kabhi ansu chalak jate hain

Gujre huve kuch vaakaye jab yaad aate hain

Tujse mil k bhi tere baare mein soochta hoon

Aur tere hi khayal tere jaane k baad aate hain

Maine tumse pyar k badle kuch nahi maanga

Bas aisa kar khud khush reh aur mujse khusi leti ja

Jaise tu chahati hai vaise hi jindagi jee mere sang

Dukh dard bhi tere pyara lage wohi deti ja

Mere pass sapnu ko poora karne ka maada aur irada hai

Aur poora karna hai tujse, kiya har vaada hai

Main Ram ban na paya toh kya tu toh Sita hai

Main Shyam na bhi bana toh bhi tu Radha hai

Mera pyar sirf samjane k liye hi hai kya
Kya saari umar tuje samjane mein gujar jaye gi
Heyraan hoon paresaan hoon teri aadatun se
Meri baat ki gehrai kab tumko samaz aaye gi

Hum agar youn hi choti choti baatun pe ladte rahe
Agar apne beech judai k fasle padte rahe
Aisa hi hota raha toh pyar kab karunga
Pyar na kiya toh tu aur bigar jaye gi

Muje lagta hai apne pyar ka rista
Dard ka rista banta ja raha hai
Yeh kaisa more aaya hai pyar k raste mein
Shaaq ka rasta banta ja raha hai

Muje darr hai kahin apni aadatun se
Tu khud hi mujse, khud ko door na kar de
Main cha k bhi tuje cha na saakun "Chahat"
Tu kahein itna muje, mazboor na kar de