Ma Ka Kehna Sunn Le Beta

Ma ka kehna sunn le beta, Ma ki baat maan le beta

Aalas na kar jaag neend se, Kyon dher tak hai bistar mein leta

Roj tu dher se utte, aaj jaldi uth ja zara

Aaj tera imitihaan hai, toda yaad kar le zara

Ma tujko jagati hai, jaldi uth k padati hai, 

Tu araam se soo sake, iss k liye, woh khud so na paati hai
Ma ka kehna sunn le beta..............

Padh likh k bane ga bhara, Ma ka bhi armaan hai

Teri khatir yeh sabkuch sehe, kyon ki tu iss ki Jaan hai, 

Yeh teri pehli hai Guru, sabak yeh na bhulana kabhi

Dusare bachun ki tarah, bada ban k dikhana kabhi,

Tere imtihaan kabhi kabhi hote hain, Ma roj imtihaan deti hai

Bemaar ho ya thakki haari ho, tujko yeh apni Jaan deti hai 

Teri khusiyaan ke liye, dard kitne uthati hai

Yeh hai achha yeh hai bhura daant k bhi batati hai

Ma ka kehna sunn le beta..............

Tuj ko khane mein joh accha lage, wohi khana banati hai yeh

Tu naaraz akshar hota hai, tera gussa bhool jaati hai yeh

Teri vardi ko press bhi kare, kitabun ko bag mein bhi barre

Naukarani k jaisee ban k, kaam tere saare kare

Apne haatun se khilaye tuje. teri pasand ka khana tuje

Phele hi Bas Stop pe poonche, kyon k School se ha aana tuje,

Teri khatir Papa se yeh kitni daant bhi khaati hai

Phir bhi teri galtiyaan Ma Papa se chupati hai
Ma ka kehna sunn le beta................

Apni surkhi bindi ka bhi. isse rahe na dayaan

Apni chappal hai tooti huvi, phir bhi kareede tera saamaan

Kisi cheez ki kaami na lage, joh maange tuje woh mille

Tujko tution gaadi pe bejey, par khud woh pedhal challe

Apni saadi se pyari usse, lagti hai teri kitaab

Uss ne apni ankhun mein, sazaaye hai tere hi khawab

Tere khatir roj subha mandir bhi jaati hai

Parsaad phool aur nariyal se, Bhagwan ko maanati hai

Ma ka kehna sunn le beta..................

Rakh le uss ki umeedun ka maan, chuka sakta nahi tu aishaan

Mehnat kar mile ka phal, yehi toh hai Geeta ka gyan

Ma ki asha ko lagne de par,tu ummedun pe poora utar

Ma k ashirwaad se, kat jaye ga muskil safar

Tu ho jaye ga safal, tuje mil jaye gi apni dagar

Bas zara yeh scooh le. Ma ne kya kya nahi hai saha

Sab ki Ma ek jaisee hai, sab jaante hain sabko hai pata

Bachha jab kuch ban jata hai, dard saare bhool jaati hai

Tera kya hai tu badal jaayega, par woh na badal paati hai

Ma ka kehna sunn le beta..............

( Tribute to Mother on Mother's Day, Sunday May 12, 2013)