Papa Ki Duva

Haale dil joh sunne aur sunaye tuje
Woh tera yaar ho woh tera pyar ho
Yeh duva mere dil se nikle sada
Tera bhi ek chota sa sansaar ho

Teri koi asha kabhi naa nirasha bane
Poori teri har ek umeed ho
Jaise chahe tu jeena vaise jiye
Tere pass duniya ki har ik cheej ho

Arzoo koi teri na adhoori rahe
Apne pyar se kabhi bhi na doori rahe
Armaan tere dil k nikle sabhi
Dil ki koi bhi na mazboori rahe

Tere chere pe noor asmaani sa ho
Teri maang sada hi sindoori rahe
Tere maathe pe chamke bindi suhaag ki
Galle mein mangal sutar bahun mein choori rahe

Har sapna poora ho joh bhi dekhe tu
Sapne hakeekat ban k tuj se mille
Tere baalun pe sawaan ki barsaat ho
Tere gaalun pe phool gulabun k khile

Har dava tere mann ki rang laye gi
Dulhan ban k tu kisi k ghar jaye gi
Khusiyun se mehak ka tera jahan phir bhi
Fikar rahe gi teri aur yaad bhi aaye gi

Tu apne ghar ki raani ban ne k baad
Bhool jaana hume na karna tu yaad
Tu agar apne sasuraal mein rahe gi khus
Tabhi rahe ga tera mekha bhi aabaad